Þórhallur þórhallsson

Hmmmmm

2009-10-30T14:00:00.001Z

Hmm

2009-09-19T19:11:00.001Z

Hætt´ablogga?

2009-03-07T22:01:00.003Z

Ég er hugsa um að hætta þessari vitleysu, hver nennir að lesa blogg? Ég er allavega ekki að nenna að skrifa hérna.

Á maður ekki bara að hætt´ablogga og eyða þessari síðu, það vita hvort sem er allir allt um mann eftir að facebook kom til sögunnar.

Árið 2008

2008-12-31T11:18:00.003Z

Ég ætla að gera eins og Eyvindur vinur minn og fara svona létt yfir árið sem er að líða.
Það var nú eitt og annað sem gerðist á þessu ári og fyrst ber að nefna góða sokka sem ég keypti mér í janúar. Þeir duga mér enn.

Á þessu ári hef ég búið á nokkrum stöðum. Lækjargötunni þar sem ég braut rúðu við að reyna að opna gluggann. Hvíta svaninum sem er gistiheimili á vatnsstígnum (er orðið áfangaheimili fyrir drykkjusjúka núna) og svo loks flutti ég á Njálsgötuna þar sem mér líkar bara ágætlega. Enda er það eina íbúðin af þessum þremur stöðum, hitt voru bara pínulitlar ruslageymslur.

Ég kynntist líka henni Védísi minni á þessu ári sem er það besta sem gerðist á árinu. Toppurinn á tilverunni.

Ég byrjaði með sjónvarpsþátt á ÍNN (sem er sjónvarpsstöð sem enginn veit um) sem kallaðist "Vitleysan". Það tók allt of mikinn tíma fyrir engann pening og ekkert áhorf þannig að við hættum því fljótlega en það var alveg rosalega gaman samt sem áður.

Út frá því stofnuðum við síðuna www.vitleysa.is sem við bindum miklar vonir við. Ætlum okkur stóra hluti á þessu svokallaða "Interneti"

Ég og Eyvindur gerðum líka nokkra boli fyrir síðuna www.bolur.is og ætlum að halda því áfram. Það er að segja ef fólk verður duglegt að kaupa bolina....blikk, blikk hint hint

Þetta var síðan ár númer tvö í sýninginni hans pabba og nú er búið að gefa hana út á DVD og er víst að slá öll sölumet. Virkilega frábært að hafa verið hluti af þessu og ég verð bara að segja að maður er bara pínu stoltur af kallinum. Hann á þetta svo sannarlega skilið.

Ég hélt nú reyndar mína eigin sýningu í mars sem ég kallaði "Fyndinn í fyrra" sem vísar í það að ári áður hafði ég unnið keppnina "Fyndnasti maður íslands". Ég ætlaði að gefa hana út á DVD en því miður var það ekki hægt út af tæknilegum ástæðum. En ég vil þakka Bjarna og Eyvindi fyrir að hafa tekið þátt í henni með mér.

Ég er alveg pottþétt að gleyma einhverju en ég vona að árið 2009 verði ekki bara eintóm kreppa og vonandi munu allir bara hafa það gott (andlega séð).

Gleðilegt nýtt ár öll sömul og takk fyrir það gamla!

Auglýsingarnar fyrir skjá einn

2008-11-08T03:27:00.000Z

Þetta er ástæðan fyrir því að ég fer ekki með kvenfólki að versla!!

2008-10-30T02:22:00.001Z

Þættirnir komnir á netið

2008-10-23T01:02:00.001Z

Ýtið á fyrirsögnina og þá farið þið beint inn á slóðina til að horfa á þættina. Svona er nú tæknin í dag!

Vitleysa á ÍNN

2008-09-30T17:15:00.003Z

Loksins loksins, sönn vitleysa á leiðinni í sjónvarp landsmanna. Ég og Eyvindur erum komnir með þátt á sjónvarpstöðina ÍNN en hana geta allir náð, eina sem þú þarft að gera er að fara á rás 20 á digital island. Fylgist með!

Breyttir tímar

2008-08-12T01:24:00.002Z

Í fyrra var ég fyndnasti maður íslands. Í ár er ég þetta...

Eyvindur og Halla...Hulda!

2008-07-16T12:07:00.002Z

Fyrst var það Jennifer Lopez og Ben Afleck eða Bennifer eins og þau voru kölluð. Svo var það Brad Pitt og Angelina Jolie eða Brangelina. Núna er það Eyvindur og Hulda eða.....Eylda....Huvindur...mhmmm...ehh... Bara Eyvindur og Hulda held ég.
Til hamingju með brúðkaupið. Þetta var æðislegur dagur og það var frábært að geta verið partur af þessu hjá ykkur.
Þrefalt húrra fyrir ykkur...HÚRRA HÚRRA HÚRRA!

P.s Ég vona að sumir sem við þekkjum séu ekki í banni á tjaldsvæðinu vegna hávaða? Allavega svaf ég lítið þá nótt. Og vakna enn með martröð vegna þess sem ég heyrði.

Gíraffar að dúllast

2008-07-16T12:05:00.001Z

Georg Carlin látinn

2008-06-23T11:29:00.002Z

Einn færasti uppistandari fyrr og síðar er látinn. Hann dó úr hjartabilun en hann hafði lengi átt við hjartaerfiðleika að stríða.
Ég vil votta grínheiminum samúð mína!!

Nýr bolur

2008-06-21T16:57:00.003Z

Hornafjörður

2008-06-19T15:10:00.005Z

Ég fór á dögunum til Hornafjarðar þar sem að ég spókaði mig um og kvað vísur. Reyndar ekki vísur en ég blaðraði mikið. Ákvað að uppistandast smá fyrst að ég var þarna. 18 Manns mættu. Ég fékk fyrir bensíninu. Get ekki kvartað yfir því. Sérstaklega vil ég þakka þýska parinu sem að borgaði sig inn. Þau skildu ekki mikið sem að ég var að segja. Ég vil svo setja þessa mynd sem var tekin á hornafirði af mjög svo hæfileikaríkri stúlku sem á afmæli akkúrat á morgun. Til hamingju með það þúþarnasemveisthverþúert!!

Símstelari

2008-06-01T15:52:00.002Z

Ég hef verið rændur því allra heilagasta, símanum mínum! Ef einhver "fann" svartan nokia síma í gær á Hressó á vinsamlegast skilaðu honum því það voru margar upplýsingar inn á honum sem ég þarf nauðsynlega á að halda! Hafðu samband á e-mailið mitt illagga@gmail.com eða skilaðu honum á hressó bara, ég get nálgast hann þar. Engar áhyggjur af kverkataki af hálfu lögreglunnar því eina sem ég hef áhuga á er að fá símann aftur ekki kæra einhvern.

Með litla von í hjarta

Þórhallur símalausi

Persónustelari??

2008-05-21T15:40:00.003Z

Núna er Inga lind sjónvarpsskona jafn brjáluð og Bína var forðum daga því einhver stofnaði myspace síðu í hennar nafni og þóttist vera Inga lind og skrifaði eitthvað vesen. Inga lind íhugar nú að kæra þessa manneskju fyrir að stela persónu sinni og ætlar að krefjast dauðadóms..... ok ég laug þessu síðasta en allt hitt er satt. Ég vona bara að pabbi komist ekki að ég sé með myspace síðu í hans nafni, hann kærir mig örugglega annars.

Svalbarði!!

2008-04-16T16:18:00.002Z

Núna eru búnir tveir þættir af nýja þættinum hans Þorsteins Guðmundssonar. Mér finnst þeir ágætir, Ágústa Eva er til dæmis æðisleg í þessum þáttum. Gamla reiða konan er snilld. Og Svalbarða parið er yndislegt "finna lyktina úr íslendingi". Stundum er samt eins og viðmælendum líði ekkert sérstaklega vel en það kemur vonandi, þegar fólk er farið að þekkja þáttinn betur og svona. En vonandi verður þetta bara betra með hverjum þætti. You go Steini!!

p.s ....og ég spyr bara HVAÐ ER EIGINLEGA Á SEYÐI?

Kvöldið á NASA

2008-04-01T01:19:00.002Z

Sýningin mín "Fyndinn í fyrra" sem ég hélt á NASA þann 13.mars síðastliðinn gekk vonum framar. Það mætti fullt af fólki og var stemmari dauðans. Bjarni og Eyvindur stóðu sig frábærlega og ég var ekki hræðilegur þótt ég segi sjálfur frá. Vil þakka öllum sem nenntu að mæta ;)

Orðinn gamall

2008-03-26T19:29:00.003Z

Jæja þá er maður orðinn 25 ára gamall. Hélt ekki upp á það sérstaklega þar sem að ég er búinn að vera veikur í næstum viku með helvítis infúensu. En ég vona að mér batni bráðlega því það er nóg að gera í allskonar pælingum og þá þýðir ekkert að liggja heima í veikindum.

Fyndinn í Fyrra

2008-03-11T22:57:00.002Z

Klikkið á fyrirsögnina til að kaupa ykkur miða.

Logi í beinni

2008-03-09T18:54:00.003Z

Var að horfa á þáttinn þar sem pabbi var eini gesturinn. Fannst hann bara fínn, soldið asnalegt að sjá sjálfan sig svona eðlilegan í tv, þar að segja ekki að fíflast eitthvað upp á sviði. Ég er sammála því sem Steinn Ármann sagði einu sinni við mig, hárið á mér er hugmyndasnautt. Svo kom það út eins og að mér fyndist pabbi æðislega pirraður náungi hehe, sem hann er ekki, það var klippt út það sem ég sagði á undan til að útskýra afhverju ég sagði það sem ég sagði. Bara svo það sé á hreinu þá er pabbi ekki eitthvað pirrað fúlmenni heldur einstakt ljúfmenni eins og flestir lýstu honum þarna. Sérstaklega fannst mér gaman að hlusta á Hjört Howser tala um kallinn, já og einnig Júlíus Brjánsson. Báðir eiga þeir auðvelt með að komast vel að orði. Ljótu Hálfvitarnir og Buff tóku lög eftir pabba og það var skemmtilegt að sjá. Þannig að niðurstaðan er: Flottur þáttur!!

Þetta er fyrir CSI: MIami aðdáendur

2008-02-29T13:48:00.001Z

Lúxemborg

2008-02-27T22:12:00.003Z

Núna er maður að fara til Lúxemborgar á laugardaginn. Farinn að hlakka til bara, hélt að ég væri búinn að týna vegabréfinu en það fannst eftir víðamikla leit. Vil þakka björgunarsbveitinni Ámundi fyrir að hjálpa mér að leita, hefði getað þetta án þeirra en félagsskapurinn var fínn. Það styttist alltaf í kvöldið góða svo, fór á fund með tveimur strákum í dag í sambandi við að taka þetta upp, það er vonandi að það gangi upp. En hafið það gott og munið að sokkabuxur fara á leggina, ekki höfuðið!

Þursaflokkurinn

2008-02-25T17:16:00.002Z

Ég fór á tónleikana með Þursaflokknum núna á laugardaginn í laugardagshöllinni og það er bara hægt að segja eitt....VÁ!!!
Mæli með að allir kaupi sér dvd diskinn ef það kemur svoleiðis út, allavega var þetta tekið upp. Þetta var magnað.

Úþynnt gen af nóbelskáldi!!

2008-02-15T14:37:00.005Z

Þessi ummæli Bubba um Dóra DNA finnst mér alveg svakalega dónaleg og barnaleg. Þannig er mál með vexti að Dóri birti dóm um þáttinn "Bandið hans Bubba" þar sem hann segir að þátturinn snúist meira um útlit en innihald, ég hef ekki séð þáttinn þannig að ég get ekki kommentað á það en að Bubbi geti ekki tekið smá gagnrýni eftir öll þessi ár í bransanum finnst mér mjög skrýtið og mér finnst að hann ætti að biðja Dóra afsökunar. Enda er verið að vega að útþynntum genum hér.

En talandi um útþynnt gen þá er ég bara í góðu skapi þessa dagana, það er komin dagsetning á stóra uppistandskvöldið mitt á NASA en það er 13. mars. Þetta verður geggjað kvöld. Nánar um það síðar.

Megi þið naga furðulega hluti....ciao!!

Kominn down-town

2008-02-08T13:05:00.000Z

Jæja þá er maður fluttur alveg niðrí geðveikina, í Lækjargötuna til að vera nákvæmari. Þannig að það verður ekki langt að fara á barina og svo ekki sé minnst á að sleppa öllum leigubílakostnaði (hann var svo mikill, ég bjó nefnilega á Hringbraut í vesturbænum)

En það fylgir bögull skammrifi...ÉG BÝ FYRIR OFAN GAY-STAÐ!!! AHHHHHHHHHH!!!! En það er allt í lagi því að þeir eru allir svo miklar dúllur. Þannig að það er bara latexgallinn allar helgar, og suma virka daga ef maður er í stuði og Páll Óskar í botni, ekki mínum botni samt.

Adios amigos

Bloggedíblogg

2008-02-04T16:29:00.000Z

Maður er alveg hættur að nenna að blogga. Hvað er málið???

Very funny

2008-01-25T18:39:00.000Z

"Þú ert bara lygari"

2008-01-09T14:12:00.000Z

Á sunnudaginn var ég að skemmta í Borgarnesi á þrettándabrennu björgunarsveitarinnar Brákar. Það gekk bara ágætlega, var að frumflytja nýtt efni og fjöldi manns voru þarna, jafnt ungir sem aldnir. Eftir smá tíma á sviðinu sé ég ungan strák, svona 5 ára gutta, koma askvaðandi að mér, þetta var kannski ekki löng vegalengd en þó smáspölur fyrir hann, en hann lét það ekki aftra sér, hann var kominn til að segja mér til syndanna. Hann arkaði upp að sviðinu, horfði á mig og benti á mig með ásökunarputta sínum og kallaði "ÞÚ ERT BARA LYGARI!!" svo sprakk hann úr hlátri. Þetta var fyndnasti krakki íslands 2008.

Svo var meira að segja Tímaflakksaðdáandi þarna, heyrði bara öskrað úr fjöldanum "Hörgulsrán!!" og ég hugsaði með mér
"neeee, ég var ekki að heyra þetta" en jú eftir skemmtunina kom til mín stúlka sem sagðist vera aðdáandi Tímflakks og vildi fleiri þætti en það besta við þetta, hún hét Rakel
(ath þið þurfið að hafa fylgst með Tímaflakki til að skilja hvað ég er að tala um með Hörgulsráni og Rakel)

En munið að taka rafmagnstæki með ykkur í bað, góðar stundir.

Árið í hnotskurn

2007-12-31T15:26:00.000Z

Árið 2007 var ansi gott ár fyrir mig, starfsferilslega séð. Í byrjun ársins var ég með þátt á Rás 2 sem hét Tímaflakk. Margir hötuðu hann, sumir elskuðu hann, en flestir vissu ekkert um hann. Hann hætti. Svo í mars vann ég keppnina "Fyndnasti maður íslands" og eftir það fór boltinn að rúlla í uppistandinu og var ansi mikið að gera það sem eftir var af árinu í þeim málum. Í febrúar frumsýndi pabbi gamli sýninguna sína "Laddi 6-tugur" og áttu þetta einungis að vera 4 sýningar. Sú varð ekki raunin og um daginn var sýning nr 81, og þetta er ekkert á leiðinni að fara að hætta. Ég og Eyvindur erum svo búnir að plana mikið á þessu ári og gera ýmis framtíðarplön, skemmtum til að mynda í fyrsta sinn saman sem tvíeyki, það gekk vonum framar og á árinu 2008 ætlum við að vera stórhuga í skapandi verkefnum.
Ég hitaði upp fyrir hinn heimsfræga uppistandara Pablo fransisco í háskólabíó, og var það virkilega skemmtileg reynsla. Ég fékk að vera með í afar skemmtilegri en skammlífri uppistandssýningu ásamt Þorsteini Guðmundssyni og Úlfari Linnet, mikill heiður að fá að skemmta með þessum herramönnum og þá sérstaklega honum Þorsteini, alltaf verið mikill aðdáandi hans. Svo skemmti ég einu sinni í fimmtugsafmæli þar sem ég móðgaði alla. Þetta gengur víst ekki alltaf upp, en maður lærir af öllu. Sérstaklega var ég ánægður með viðbrögð mín þegar konan sem réð mig hringdi í mig og jós yfir mig þvílíkum svívirðingum og skammaryrðum, held að ég hafi aldrei lent í dónalegri framkomu á ævi minni. En ég hélt ró minni og talaði við hana á kurteisum nótum og missti aldrei stjórn á skapi mínu. Var ánægður með mig þar. Þótt mér hafi að sjálfsögðu liðið illa eftir þetta símtal þá komst ég að dálitlu um sjálfann mig sem gladdi mig. Ég var þroskaðari en 40 ára gömul kona, nanananananana.

Ég flutti tvisvar á þessu ári. Fyrst til Grafarvogs með brósa og Gulla vini mínum og svo flutti ég einn í hitakompu á Hringbraut í Vesturbænum þar sem ég næ Rúv með herkjum og netsamband er ekkert. Ég er oft í heimsókn hjá mömmu þessa dagana. Þar er netsamband og margar sjónvarpsstöðvar, sannkallað lúxuslíf.

Svona var árið 2007 hjá mér. Ásamt hræðilegum hlutum sem ég mun aldrei tjá mig um. Eina sem ég get sagt er að ég mun aldrei fara til Finnlands eftir þetta. Hvað sem svo það þýðir.

Ný tölva!!

2007-12-14T16:28:00.000Z

Ég var að fá mér forljóta (eða var forláta?) nýja fartölvu sem nefnist macbook. Ég verð bara að segja það að ég er slefandi þessa dagana. Það er allt í henni, meira segja pus.

Hraun

2007-12-06T18:25:00.000Z

Langar bara að óska vinum mínum í hljómsveitinni Hraun til hamingju með árangurinn en þeir eru að keppa í The Next Big Thing á BBC og eru núna meðal fimm efstu. Frábær árangur og ég hef fulla trú á því að þeir vinni þetta bara.

Langar líka að óska Eyvindi næstum til hamingju en bókin hans Ósagt var tilnefnd sem besta bókarkápan og rétt tapaði hann fyrir bókinni BÍBÍ (sem er by the way ógeðsleg kápa)

Þá er búið að hrósa öllum.

Síðar.....

Óli Geir sýndi mér ljósið

2007-12-05T16:31:00.000Z

Og þessvegna þori ég að koma með þessa tilkynningu:

Vildi bara láta heiminn vita að ég elska Eyvind Karlsson útaf lífinu. Ég sé svo mikið eftir öllu bullinu sem ég hef gert honum á meðan hann svaf. Ég vildi að hann gæti gefið mér einn séns í viðbót þó svo ég eigi hann ekki skilið. Hann á svo mikinn pening inni hjá mér og ég mun gera ALLT (og þá meina ég ALLt..wrarrr) til þess að reyna fá mitt síðasta tækifæri. Ég virkilega elska hann útaf lífinu, ég geri það, stundum fattar maður það ekki fyrr en maður hefur misst vitið.
Hann er yndið mitt, hjartað mitt, elskan mín og ástin mín og ég vona að hann gefi mér einn lokaséns til að sanna mig virkilega =(

p.s fer þetta nálgunarbann ekki að renna út?

Báðar seríurnar

2007-12-04T22:09:00.000Z

Var í þessu að sjá sjónvarpsauglýsingu og þar er það greinilega auglýst að um báðar seríurnar sé að ræða. Hafa greinilega gert mistök inn á www.sena.is þar sem stóð að um fyrstu seríu væri að ræða, allavega er ég feginn fyrir hönd Auðunns Blöndals að Sena hafi ekki gert þessi myndamistök heldur einungis auglýsinga mistök í byrjun og þau séu núna leiðrétt. Vona að ég sé ekki óprúttinn að vera enn að skrifa um þetta.
Allir að kaupa diskinn ;)

Óprúttinn aðili

2007-11-30T19:49:00.000Z

"...hins vegar er það útlitið á disknum sem vakið hefur hvað mestu athyglina núna en ÓPRÚTTNIR AÐILAR hafa þóst greina að myndin á forsíðunni hafi verið tekin fyrir þáttaröð númer tvö og að grínistinn sé með tvo putta á lofti því til staðfestingar"

Þetta er hluti af texta úr frétt sem birtist í Fréttablaðinu í dag. Þar er ég sagður vera "óprúttinn aðili" bara vegna þess að ég benti á þetta, ég er reyndar ekkert nafngreindur en fyrst að það kom tengill á b2.is og margir hafa séð þetta þá hlýt ég að halda að það sé verið að vísa í mitt blogg. Allavega hló ég dátt, óprúttinn hvað?
"Hvernig gat hann bent á þetta, hvernig er hægt að vera svona óprúttinn?"
Hvað finnst ykkur? Er ég óprúttinn?

Tekinn á DVD

2007-11-28T00:34:00.001Z

Núna er verið að gefa út á DVD fyrstu seríuna af Tekinn með Auðunni Blöndal. Ekkert nema gott um það að segja. En það sem ég skil ekki er myndin sem hann notar framan á hulstrið (eða Sena notar) Þetta er nefnilega mynd sem hann notaði til að auglýsa seríu númer 2 (held ég alveg örugglega), hann er meira að segja með tvo putta upp í loftið til að leggja áheyrslu á það. Er þetta ekki pínu skrýtið, þar sem sería tvö er enn í gangi. Pínu klúður.

Vitleysisvitleysa

2007-11-28T00:32:00.001Z

http://www.mbl.is/mm/svidsljos/sofaspjall.html?ss_id=19403

Þvílík fegurð, þvílíkur þokki!!

2007-11-08T01:55:00.000Z

Hvernig er hægt að vera svona sætur??

Raufarhafnarferðin mikla

2007-10-30T15:02:00.000Z

"Hvernig getur fólk bloggað um allt? Ætli við getum bloggað um þessa ferð?"
Svona var samtalið mitt og Jóns Haukdals þegar við vorum á leiðinni til Raufarhafnar að skemmta fólkinu þar. Við byrjuðum á að fljúga til Akureyri-city þar sem beið okkar bílaleigubíll. "Ratar þú?" spurði ég Jón. "Já, já ég skoðaði kort áður en ég lagði af stað" svaraði þessi viðkunnalegi en jafnframt fjölþreifni einstaklingur
(það var ekkert annað að gera í bílnum en að þreifa aðeins á hvor öðrum)

Raufarhöfn er ekki stór staður og það er ekki létt að rata þangað, sérstaklega þegar þú ert borderline þroskaheftur eins og við Haukdal. Eftir langa keyrslu og endalaust af "di da ra du du rar rara du du" söngli í okkur (náðum engum útvarpsstöðvum) og fullt af malbikslausum vegum þá vorum við komnir á Vopnafjörð. Við fórum inn á bensínstöðina þar og spurðum spurningu sem þau hafa aldrei heyrt áður "Hvar er Raufarhöfn?" Með forundran þá benti fólkið okkur á að Raufarhöfn væri í einn og hálfan klukkutíma í þá átt sem við vorum að koma úr. Semsagt við keyrðum einn og hálfan klukkutíma of langt og það var tæpur klukkutími í skemmtunina. Við gátum líka loksins hringt í tengiliðinn á Raufarhöfn þar sem við vorum í fyrsta sinn í símasambandi. "Uhhh við erum á Vopnafirði og vitum ekki hvort við náum að komast á réttum tíma" sögðum við með skömmustulegum tón, tengiliðurinn var ekki ánægður.
Við keyrðum á (Ó)löglegum hraða eftir malbikslausum vegum og sungum meira "du ra didi dada ra di rara) en að lokum fundum við Raufarhöfn og það 5 mín áður en skemmtunin átti að hefjast. Það fyrsta sem við sáum var heill haugur af ungum krökkum,ekki gott mál þar sem óheflað málfar er hluti af skemmtun okkar beggja. Við brugðum þá á það ráð að biðja krakkana að halda fyrir eyrun sín í hvert sinn sem við réttum upp hendina áður en við sögðum eitthvað fullorðins. Krakkarnir tóku vel í þetta og fannst þetta bara vera skemmtilegur leikur, sumir áttu þó erfiðara að finna eyrun en aðrir en þetta hafðist þó. Bæði ég og Jón Haukdal vorum með brandara um Guðmund í Byrginu en það kom í ljós eftir skemmtunina að kvikindið er víst frá Raufarhöfn....ÚPS!!

Um kvöldið fengum við að smakka kengúrukjöt og svartfugl og vil ég þakka hóteleigundum staðarins fyrir frábærar móttökur og almennilegheit, virkilega fínn staður.

Þannig að, já það er hægt að blogga um þessa ferð Jón. Heldur betur!!

Heilalím

2007-10-25T13:54:00.000Z

Ég er gjörsamlega með þetta lag á heilanum!!
"Neon bible...neon bible....neon bible........"

Ég er að fíla þessa hljómsveit sem heitir Arcade fire, nokkur góð lög á þessari plötu sem heitir by the way......"Neon bible"
Vil bara segja þér Sigríður Thorarensen ( a.k.a stupid mom )að þú ert alltaf með puttann á púlsinum, kannski vegna þess að þú býrð með gamalmenni og oft þarf að athuga lífsmörkin en einnig ertu bara alltaf svo hipp og kúl. Takk fyrir að troða þessari tónlist inn í hausinn minn.

"Fokk Jú" puttinn

2007-10-10T20:35:00.000Z

Þegar ég var lítill drengur átti ég það til að slasa mig, enda alltaf eitthvað vesen á mér. Ég hælbrotnaði, handleggsbrotnaði og brákaði hitt og þetta. Eitt sinn var ég að leika mér í hálfkláruðum kofa sem einhverjir eldri krakkar voru að smíða og var að klifra þarna út um allt. Einhvern veginn náði ég að detta niður um gat á þakinu og festa puttann minn á nagla, sem hélt mér uppi, þannig að ég hékk bara á puttanum.
Ívar bróðir minn kom mér til hjálpar eftir að hafa heyrt í mér öskra og grenja. Ég mundi nú aldrei vel eftir þessum atburði, minnti alltaf að puttinn hefði litið út eins og banani í bananhýði sem væri búið að fletta aðeins niður, en í gær var móðir mín að segja mér frá því að puttinn hafi hangið á bláþræði og að læknarnir hafi talið miklar líkur á að taka þyrfti puttann af. Þeir voru mjög hissa þegar að það kom líf í hann. Semsagt kraftaverkaputti. Við það að heyra þetta fékk ég sting í puttann sem aldrei neitt hefur amað að og hef ekki losnað við þennan sting síðan.
Þessi umræddi putti er langatöng eða "FokkJú" puttinn svokallaði. Þannig að í hvert sinn sem þið fáið "FokkJú" merki frá mér, þá er það kraftaverk.

Eru þessir tvíburar skyldir?

2007-10-10T12:17:00.000Z

Jæja í fyrrakvöld eignaðist Ívar bróðir minn tvíbura, tvo stráka sem sverja sig svo sannarlega í ættina, svo myndarlegir eru þeir ;)

Ég er búinn að finna mér herbergi til að leigja á Hringbraut, allir að deyja þar, þannig að það er nóg af lausu plássi. Þetta er lítið stúdíókvikindi, þannig að maður er með allt sér.

Á mánudaginn var ég vakinn klukkan 9 um morguninn. Það var Menntaskólinn í Kópavogi. Ég átti að vera kominn upp á svið að skemmta, heill skóli var að bíða eftir mér. Fyrsta skiptið sem ég heyrði um þessa skemmtun, það gleymdist víst að láta mig vita.
Ég hljóp út í kvíðakasti og ætlaði að fara að keyra af stað, en nei.... AUÐVITAÐ FÓR BÍLLINN EKKI Í GANG!! Ég hringdi í paniki í stúlkuna sem vakti mig svo fallega og sagðist vera bíllaus, ekki vandamál og bíll var sendur af stað til að ná í mig.
Ég held að ég hafi aldrei verið jafn myglaður, stressaður og utan við mig eins og þennan mánudagsmorgun. Ég mundi nú flest af prógramminu mínu en framsetningin var ekki sú besta. Salurinn var troðfullur og greinilega góð mæting, ég hugsaði með mér
" er ég svona vinsæll?" en svo var alls ekki málið, eftir uppistandið fengu allir nefnilega stimpill um að þeir hefðu mætt, semsagt skyldumæting!! Jeiij ég er vinsæll.

Svo á ég andlega bilaðan kött.

Meira er það ekki að þessu sinni, njótið líkama ykkar til fullnustu!!

Allt að gerast!!

2007-10-01T20:00:00.000Z

Jæja það er búið að vera nóg að gera hjá pörupiltinum undanfarið. Sýningin Heimsendir fór af stað og byrjaði í Sjallanum og gekk það bara vel, frekar steikt sýning og þá sérstaklega endirinn þar sem við dönsum og túlkum heimsendi. Held samt að Úlfar sé skotinn í mér því hann kyssti mig á meðan ég var sofandi en við skulum ekkert fara nánar út í það. Svo hitaði ég upp fyrir Pablo Francisco í Háskólabíó, það var skemmtileg reynsla, held að það hafi bara gengið ágætlega. Ég sofnaði reyndar baksviðs og hann kyssti mig á meðan ég var sofandi, veit ekki hvað er málið með þessa kossa. En skiptir ekki, haldið um rassgatið á ykkur og hafið það gott.

Dó tvisvar í dag

2007-09-13T17:33:00.000Z

Í dag er ég búinn að deyja tvisvar. Fyrst kafnaði ég á papriku og svo fékk ég hjartaáfall á meðan ég beið eftir strætó. Ég var að leika í stuttmynd. En annars er ég soldið hissa yfir þessu Randvers máli, hann bara rekinn og enginn úr hópnum stendur með honum? Eitthvað fiskilegt við þetta. Enginn Bogi og Örvar framar? Ég legg til að við stofnum stuðningshóp Randvers, hittumst einu sinni í mánuði, klæðum okkur upp í kjól og drekkum eins og rónar. Heil Randver!!!

Fangavörður hvað?

2007-08-29T00:24:00.000Z

Ég var að koma af Astrópíu og í lok myndarinnar kom kreditlisti og þar var ég titlaður sem fangavörður nr 3, ég hélt að ég hefði bara verið fangi sem varla sást í. Svona er nú heimurinn skrýtinn.

Fóstbræður á DVD

2007-08-24T14:45:00.000Z

Ég ætla mér að kaupa allan pakkann, margt virkilega fyndið í þessum þáttum. Gjörsamlega dýrkaði þá á unglingsárunum og hef enn gaman af því sem ég man eftir. Það mætti margt annað koma á DVD, Heilsubælið t.d og margir aðrir góðir. Hvað mynduð þið vilja sjá á DVD? Íslenskt er ég að sjálfsögðu að tala um, gömul áramótaskaup? Undir sama þaki? Djúpa laugin? Plís ekki segja djúpa laugin einhver!!

p.s RADÍUSBRÆÐUR Á DVD!!!!!

Snilld

2007-08-24T13:43:00.000Z

Astrópía

2007-08-22T17:06:00.000Z

Frumsýningin á ævintýra/gamanmyndinni Astrópíu er í kvöld og er mikið húllum hæ í kringum það. Ég var þarna í statistahlutverki sem fangi og gæti þessvegna handleggur eða jafnvel fótleggur sést á hvíta tjaldinu sem tilheyrir mér. Ég hefði alveg verið til að sjá hana í kvöld en ég fékk ekki neinn boðsmiða (ætli hinir aukaleikararnir hafi fengið sendann boðsmiða? Pottþétt)
En þá er bara að kaupa sér eitt stykki miða, ætli hann kosti ekki 15 þúsund krónur fyrst að hún er íslensk, og reyna að sjá hvort manni bregði ekki fyrir þarna einhversstaðar á bakvið. Ciao bella

Viðtal á frumraun.is

2007-08-19T17:05:00.000Z

Ég var að sjá viðtal sem var tekið við mig af fjölmiðlahópi hafnafjarðar, þetta eru krakkar úr vinnuskóla hafnafjarðar og voru þau að gefa út blaðið frumraun. Eitthvað fór nú úrskeiðis með mitt viðtal (auðvitað) og komu ekki rétt svör við sumar spurningarnar. Það var alltaf eins og ég væri að svara spurningunni sem kom næst á eftir, jú jú ég er með skyggnigáfu.
en hér er viðtalið eins og það á að vera:

Hvað fékk þig til þess að vilja vera uppistandari?

Það er þessi þörf að fá fólk til að hlæja og það er ekki betri
tilfinning en þegar það tekst

Var eitthvað eitt atvik sem hafði áhrif á það að þú fetaðir þessa slóð?

Já ég fékk einu sinni vitlaust til baka í sjoppu og þá hugsaði ég "
Hey ég ætla að vera uppistandari" en nei ekki eitthvað eitt atvik
myndi ég segja, heldur bara áhuginn og viljinn fyrir að fara út í
þennan bransa

Hvað er það helsta sem þú gerir grín að?

Aðstæðum sem ég hef lent í og hversu mikið fífl ég er

Hvað þarf að hafa til þess að vera góður uppistandari?

Húmor.... og tímasetningu sem skiptir rosa miklu máli í gríni, góð
tímasetning er algert lykilatriði

Hvern telur þú vera fyndnasta mann á Íslandi?

Ég get alltaf hlegið að Pétri Jóhanni Sigfússyni úr Strákunum og
Þorsteini Guðmundssyni. En ég vann keppnina þannig að ég verð að segja
ég ;)

Hverjar eru verstu móttökur sem þú hefur fengið?

Hef nú aldrei fengið það slæmar móttökur, en ég hef lent í
klúðurslegum aðstæðum eins og að hljóðneminn virki ekki eða enginn er
að hlusta af því að allir eru orðnir svo fullir, það er mjög
óþægilegt, já og ekki ráða uppistandara til að skemmta í stofunni hjá
þér, það gengur ekki upp hehe.

Hefur einhverntíman verið grafaþögn hjá þér eftir brandara?

Jájá en þá gerir maður bara grín að því og segir þann brandara aldrei aftur

Hvað er erfiðasta við að vera uppistandari?

Að vera með uppistand fyrir fáa, eins og t.d inn í stofu hjá
einhverjum. Því fleiri því betra

Hvað er það vandræðislegasta sem hefur gerst hjá þér á sviði?

Það var þegar ég kom fram í Djúpu Lauginni sem var sýnt á Skjá Einum
og átti að vera með uppistand og gleymdi gjörsamlegu öllu sem ég átti
að segja, og það í beinni útsendinu.
Það var ansi pínlegt.

Áttu þér einhverja fyrirmynd?
Monty Python hópurinn og Jim Carrey. Svo náttúrulega hann pabbi gamli
sem er að slá í gegn á þessu ári með safnplötunni sinni og
afmælissýningunni " Laddi 6-tugur" sem ég er einmitt í. Hvet alla til
að kíkja á þessa sýningu

Varst þú fyndnastur í skólanum þínum?

Það verða aðrir að dæma það en ég man allavega eftir dönskukennara sem
gat ekki hætt að hlæja og faldi sig alltaf á bakvið kennslubókina til
að fela hláturinn. Hún átti mjög erfitt með að skamma mig greyið.

Hvaðan færð þú helsta innblástur?

Á ótrúlegustu stöðum, út í búð, í bíó eða á spjalli við vinina. Maður
verður bara að vera duglegur að skrifa hugmynd strax niður, annars
gleymir maður henni. Maður heldur alltaf "ahh ég man nú eftir þessari,
hún er svo góð" en svo þegar maður ætlar að rifja hana upp þá er hún
farin.

Æfir þú uppistandið fyrir framan vini þína áður enn þú gerir það á sviði?

Ég gerði það fyrir keppnina FMÍ 2007 en annars geri ég það ekki.
Finnst eitthvað hallærislegt að vera með uppistand fyrir framan eina
eða tvær manneskjur. En ég spyr oft hvort eitthvað sé fyndið, þá
aðallega bróðir minn sem ég er að leigja með, en það er ekkert að
marka hann enda engin húmor í honum.

Hefur einhver móðgast yfir uppistandi sem þú hefur gert?

Já já ég hef nú alveg heyrt eitt eða tvö andköf en annars er alveg
ótrúlegt hvað maður getur gengið langt stundum. En ég held að ég sé
ekkert grófur þannig séð. Fyrir mér er húmor vel til þess fallin að
stinga á kýlum samfélagsins og þá eru það bara einhverjar
Smáralindarbæklingateprur sem skilja ekki húmorinn. Eins og Hugleikur
Dagsson, hann þykir stundum grófur en hann er bara að benda á hluti
sem þegar eru til í samfélaginu

Tölvulaus

2007-07-26T20:21:00.000Z

Tölvan hrundi Talvan hrundi....... Allt sem ég hef nokkurn tímann skrifað er eyðilagt. Ég er svo ánægður!!! Kemst ekki á netið á næstunni, svo ánægður!!!!!!!

Veit einhver um ibuð til leigu?

2007-07-23T16:17:00.000Z

Vantar pleis NÚNA!! Danke danke

Sekur uns sakleysi er sannað

2007-07-18T20:40:00.000Z

Við skulum alltaf trúa öllu sem okkur er sagt!!

Æj Æj

2007-07-16T20:46:00.001Z

Þetta kalla ég að vera þunnur...

Kisa afundin eða fundin?

2007-07-02T16:44:00.001Z

HÚN ER KOMIN HEIM!!!!!!

Kisa tynd!!

2007-06-29T10:59:00.000Z

Nú er ekki glatt á hjalla, því kötturinn minn er týndur. Hann er ekki búinn að láta sjá sig í nokkra daga og er ég farinn að gruna að hann sé ekki bara á einhverju fyllerí, heldur týndur eða eitthvað verra. Ef einhver hefur séð köttinn minn á sveimi í grafarvoginum þá yrði ég ævinlega þakklátur ef þú myndir láta mig vita. Hér er myndband sem ég og kötturinn lékum saman í.. njótið

Uppistand Föstudaginn 29 juni!!

2007-06-28T12:49:00.000Z

Nytt upphaf

2007-05-07T15:14:00.000Z

Tók alla gömlu vitleysuna út og ætla núna bara að blogga ef ég hef eitthvað merkilegt að segja!!